Toshkent viloyatida karantin davrida doimiy ishlayotgan dehqon bozorlari ro‘yxati e’lon qilindi

Ayni kunlarda Toshkent viloyatida 20 ga yaqin doimiy dehqon bozorlari va 10 dan ortiq yirik savdo majmualari muntazam faoliyat ko‘rsatmoqda. Bundan tashqari, karantin davrida aholiga qulaylik yaratish maqsadida viloyatning barcha shahar, tumanlarida ko‘chma bozorlar ham tashkil etilgan.

Toshkent viloyati IIBB muntazam faoliyat yuritayotgan dehqon bozorlari va savdo nuqtalarini yana bir bor ro‘yxat asosida eslatib o‘tdi.

• “Angren dehqon bozori”
• “Chirchiq dehqon bozori”
• “Olmaliq dehqon bozor”
• “Nurafshon dehqon bozori”
• “Ohangaron dehqon bozori”
• “Yangiyo‘l dehqon bozori”
• “Bekobod dehqon bozori”
• “Chinoz dehqon bozori”
• “Parkent dehqon bozori”
• “Ko‘kterak dehqon bozori”
• “Bo‘ka dehqon bozor”
• “Yuqori Chirchiq dehqon bozor”
• “Bo‘stonliq dehqon bozor”
• “Oqqo‘rg‘on dehqon bozor”
• “Piskent dehqon bozor”

Qayd etilishicha, “Quyi Chirchiq dehqon bozor”lari muntazam belgilangan vaqt bo‘yicha o‘z faoliyatini amalga oshirayotgan bo‘lsa, Bekobod, O‘rta Chirchiq, Ohangaron, Qibray, Zangiota va Yangiyo‘l tumanlarida doimiy ko‘chma bozorlar va savdo yarmarkalari tashkil etilgan. Bundan tashqari, yirik savdo majmualari (Makro, Korzinka, super, giper va mini marketlar) va oziq-ovqat do‘konlari ishlab turibdi, ular uchun hozircha hech qanday cheklov yo‘q.Toshkent viloyati IIBB fuqarolardan karantin qoidalariga qat’iy amal qilib, zaruriy oziq-ovqat, dori-darmon, tibbiy buyum va vositalarni o‘zlari yashab turgan hududdagi eng yaqin bozor yoki savdo majmualari, ko‘chma bozorlar va dorixonalarga har bir oiladan bir a’zo chiqishini so‘radi.

Shuningdek, epidemiyaga qarshi kurash qoidalarini buzish 11 million 150 ming so‘mgacha miqdorda jarimaga tortilishga, shuningdek, 10 yilgacha ozodlikdan mahrum qilishga sabab bo‘lishini eslatib o‘tdi.