Ўзбекистон Венгрияга 500 минг дона ҳимоя ниқоби жўнатди

Ўзбекистон Венгрияга 500 минг дона ҳимоя ниқоби жўнатди. Бу ҳақда Венгрия ташқи ишлар вазири Петер Сийярто ўзининг Facebook’даги саҳифаси орқали маълум қилди.

«Ўзбекистон Венгрияга 500 минг дона ҳимоя ниқоби жўнатмоқда, ниқоблар ортилган юк самолёти сешанба куни кечқурун етиб келади», — деб ёзади Сийярто.

Сийяртонинг сўзларига кўра, ниқоблар Боку шаҳрига етказилган бўлиб, уларни олиб кетиш учун Будапештдан Бокуга самолёт учиб келган.

Қайд этилишича, Ўзбекистон 28 март куни ҳам Венгрияга 150 минг дона тиббий ниқоб жўнатган. Ниқоблар мамлакатдаги тиббиёт муассасаларига тарқатилган.

Эслатиб ўтамиз, дунёда коронавирус тарқалишига қарши кураш бошланганидан буён Ўзбекистон Хитой, Эрон, Афғонистон, Қирғизистон, Тожикистон, Беларусга  инсонпарварлик ёрдами жўнатди. Озарбайжонга ҳам инсонпарварлик ёрдами юборилиши кутилмоқда. Ўз навбатида Ўзбекистон мазкур пандемияга қарши курашиш учун Хитой, БАА ва АҚШдан ёрдам олди.