Ўзбекистон Венгрияга 500 минг дона ҳимоя ниқоби жўнатди. Бу ҳақда Венгрия ташқи ишлар вазири Петер Сийярто ўзининг Facebook’даги саҳифаси орқали маълум қилди.
«Ўзбекистон Венгрияга 500 минг дона ҳимоя ниқоби жўнатмоқда, ниқоблар ортилган юк самолёти сешанба куни кечқурун етиб келади», — деб ёзади Сийярто.
Сийяртонинг сўзларига кўра, ниқоблар Боку шаҳрига етказилган бўлиб, уларни олиб кетиш учун Будапештдан Бокуга самолёт учиб келган.
Қайд этилишича, Ўзбекистон 28 март куни ҳам Венгрияга 150 минг дона тиббий ниқоб жўнатган. Ниқоблар мамлакатдаги тиббиёт муассасаларига тарқатилган.
Мавзуга доир: Европа хавфсизлик ва ҳамкорлик ташкилоти Ўзбекистондаги маҳкумларга инсонпарварлик ёрдамини юборди
Изоҳ (0)