АҚШ президенти Дональд Трамп мамлакатда коронавирус оқибатида вафот этадиганлар сони 100 минг кишига етиши тўғрисидаги тахминлар амалга ошмаслигига умид қилишини билдирди, деб хабар беради «РИА Новости».
«Ушбу рақамларга яқинлашмасликка умид қиламиз ва ундан имкони борича узоқроқда тўхтаймиз», — дейди Трамп.
Аввалроқ Трамп коронавирус оқибатида 200 минг америкаликнинг ўлишини «яхши» сценарий деб атаган эди. АҚШ аллергия ва юқумли касалликлар миллий институти директори Энтони Фаучи эса жорий йилнинг кузида COVID-19 коронавирусининг иккинчи тўлқини кузатилиши мумкинлигини маълум қилган
Ҳозирда АҚШ коронавирус билан касалланганлар сони бўйича дунёда биринчи ўринда кетмоқда. Мамлакатда касаллар сони 337 минг кишидан ошган, қарийб 10 минг одам вафот этган.
Мавзуга доир:
Изоҳ (0)