Япония бош вазири Синдзо Абэ коронавирус тарқалишининг олдини олиш мақсадида 8 апрелдан бошлаб мамлакатда фавқулодда ҳолат эълон қилишни режалаштирмоқда. Бу ҳақда Киодо ахборот агентлигига таяниб, «РИА Новости» хабар берди.
Фавқулодда ҳолатнинг эълон қилиниши жойлардаги ҳокимиятларга фуқаролардан кўчага чиқмасликни, оммавий тадбирларда иштирок этмаслик ва гигиена қоидаларига риоя қилишни талаб этиш ҳуқуқини беради. Бироқ Японияда талаб ва таклифни бажаришдан бош тортганларга жарима белгиланиши кўзда тутилмаган. Фавқулодда ҳолат биринчи навбатда йирик шаҳарлар — Токио ва Осакага тегишли.
Сўнгги маълумотларга кўра, Японияда коронавирус билан касалланганлар сони 4,5 минг кишидан ошган, 104 киши вафот этган.
Аввалроқ нима сабабдан Японияда коронавирус туфайли фавқулодда ҳолат ёки карантин эълон қилинмаётгани тўғрисида хабар берилганди. Қозоғистон, Қирғизистон, АҚШнинг Нью-Йорк ва Калифорния штатларида коронавирус сабаб фавқулодда ҳолат эълон қилинган. Россия президенти Владимир Путин ҳукуматга фавқулодда ҳолат эълон қилиш ваколатини берган.
Мавзуга доир: Япония коронавирус туфайли даромади камайган оилаларга 1,85 минг доллардан берадиган бўлди
Изоҳ (0)