БМТ карантин вақтида уйдаги зўравонликларга қарши курашни кучайтиришга чақирди

БМТ Бош котиби Антониу Гутерреш ҳукуматларни коронавирус пандемияси туфайли оммавий изоляция қилиш режими фонида тобора кучайиб бораётган уйдаги зўравонликка қарши курашни кучайтиришга чақирди. Бу ҳақдаги видеомурожаатни ўзининг Twitter’ида эълон қилди.

Peace is not just the absence of war. Many women under lockdown for #COVID19 face violence where they should be safest: in their own homes.

Today I appeal for peace in homes around the world.

I urge all governments to put women’s safety first as they respond to the pandemic. pic.twitter.com/PjDUTrMb9v

— António Guterres (@antonioguterres) April 6, 2020

Унда БМТ Бош котиби COVID-19’га қарши бирлашиш учун дунёдаги барча қуролли тўқнашувларда ҳарбий ҳаракатларни тўхтатишга чақирганини эслатиб ўтган.

«Аммо зўравонлик фақат жанг майдони билан чекланиб қолмайди. Кўп аёллар ва қизлар улар хавф-хатардан энг холи бўлиши керак бўлган жой — ўз уйларида хавфга дуч келмоқда. Шу сабабли мен янги — уйда тинчлик ўрнатиш чақириғи билан мурожаат қилмоқдаман», — деган Антониу Гутерреш.

Унинг сўзларига кўра, сўнгги ҳафталарда иқтисодий ва ижтимоий босим кучайиб бориши билан оилавий зўравонликлар ҳам оммавий авж олди.

Шу муносабат билан Бош котиб барча ҳукуматларни аёлларга нисбатан зўравонликнинг олдини олиш ва бундай зўравонлик оқибатида юзага келган зарарни қоплаш бўйича чора-тадбирларни коронавирусга қарши кураш бўйича ўз миллий режаларида асосий ўринга чиқаришга чақирди.