6 апрель ҳолатига кўра, Қирғизистонда яна 69 кишида коронавирус аниқланган, икки киши вафот этган. Бу ҳақда мамлакат соғлиқни сақлаш вазири Сабиржан Абдукаримовга таяниб, Akipress хабар берди.
Шундай қилиб, бутун мамлакатда коронавирус билан касалланганлар сони 216 кишига етган (уларнинг тўққиз нафари тиббиёт ходимлари), вафот этганларнинг жами сони 4 кишини ташкил этмоқда. Бундан ташқари, яна 5 кишининг аҳволи оғир бўлиб, уларнинг икки нафари сунъий нафас олдириш аппаратига улаб қўйилган.
Янги 69 ҳолат қуйидаги ҳудудларда қайд этилган:
- Ўш вилояти — 47 (Ноқат тумани — 42, Қорасув тумани — 3, Ўш шаҳри — 2 нафар);
- Жалолобод вилояти (Сузоқ тумани) — 13 нафар;
- Бишкек шаҳри — 5 нафар;
- Норин, Иссиқкўл, Баткен ва Чуй вилоятларида — 1 нафардан.
Мавзуга доир:
Изоҳ (0)