Афғонистонда коронавирусга чалинганлар сони 367 кишига етди, 7 киши вафот этди. «РИА Новости»нинг ёзишича, бу ҳақда мамлакат Соғлиқни сақлаш вазирлигига таяниб, Tolo News телеканали хабар бермоқда.
Унда айтилишича, сўнгги суткада коронавирусга чалиниш билан боғлиқ 30 та янги ҳолат аниқланган бўлиб, уларнинг аксарияти — 16 таси Ҳирот вилоятида қайд этилган.
Мамлакатда касалликдан тузалганлар сони 17 нафарни ташкил этмоқда.
Эслатиб ўтамиз, Афғонистонда коронавирус билан касалланишнинг илк ҳолати февраль ойининг охирида қайд этилган эди.
ЖССТ маълумотларига кўра, ўтган бир сутка ичида бутун дунё бўйлаб янги турдаги COVID-19 коронавируси билан касалланганлар 82 минг кишига кўпайди, 5,7 мингдан ортиқ одам вафот этди.
Изоҳ (0)