Бирлашган Араб Амирликлари ҳукумати коронавирус тарқалиши хавфи сабаб мамлакатдаги хорижий давлат фуқаролари ва яшаш ҳуқуқига эга шахсларнинг визасини жорий йил охирига қадар узайтириш бўйича қарор қабул қилди. Бу ҳақда мамлакат бош вазири Муҳаммад ибн Рашид ал-Мактум ўзининг Twitter’даги саҳифаси орқали маълум қилган.
Бош вазирнинг таъкидлашича, вазирлар маҳкамасининг видеоконференция кўринишида ўтган йиғилиши давомида мамлакатда яшаш ҳуқуқига эга бўлганларнинг визасини узайтириш тўғрисида қарор қабул қилинган. Ушбу тоифадаги резидентлардан бу каби ҳолатларда солиқ олинмайди.
БАА вазирлар маҳкамаси мамлакатнинг стратегик захирасини мустаҳкамлаш тўғрисида қарор ҳам қабул қилган, шунингдек, давлат корхоналарига ишлаб чиқаришни соғлиқни сақлаш соҳаси эҳтиёжларини максимал даражада қондиришга мослаштириш бўйича кўрсатма берган.
Айни вақтда БААда коронавирус билан касалланганлар сони 1799 кишига етди, 10 киши вафот этган. Эслатиб ўтамиз, март ойининг охирларида БАА Ўзбекистонга ижтимоий ёрдам жўнатган эди.
Изоҳ (0)