Қиролича Елизавета II Буюк Британия ва Ҳамдўстлик давлатлари аҳолисига телевидение орқали мурожаат йўллади, деб хабар беради BBC.
Қиролича Миллий соғлиқни сақлаш тизимида (NHS) ишлаётган барчага миннатдорчилик билдирган. «Сизнинг ҳар бир машаққатли иш соатингиз бизни олдинги одатий даврларга яқинлаштирмоқда», — дейди қиролича.
Шунингдек, Елизавета II коронавирус тарқалишининг олдини олиш йўлида ҳукумат талабларини бажариб, уйда қолаётган аҳолига раҳмат йўллади: «Биргаликда ушбу касалликка қарши курашмоқдамиз ва сизларни ишонтириб айтаманки, бирлигимиз ва қатъиятимизни сақлаб қолсак, буни енгиб ўтамиз».
Қиролича мамлакатнинг барча аҳолиси ҳақида келажакда улар «британияликларининг ушбу авлоди қолганлари каби кучли эдилар» дея эслашларини исташини билдирган.
«Кимлигимиз билан фахрланиш бизнинг ўтмишимиз эмас, балки ҳозиримиз ва келажагимизни белгилайди», — дейди Елизавета II.
«Ҳали ҳали кўп нарсаларни бошдан кечиришга тўғри келишига қарамай, яхши кунлар қайтиб келиши бизга тасалли бериши керак: биз яна дўстларимиз билан, оилаларимиз билан бирга бўламиз, яна учрашамиз», — дейди қиролича Буюк Британия ва Ҳамдўстлик мамлакатлари аҳолисига йўллаган мурожаатида.
Аввалроқ Буюк Британия қироличаси Елизаветта II нинг тўнғич ўғли, 71 ёшли Уэльс шаҳзодаси Чарльзда коронавирус аниқлангани, шунингдек, Буюк Британия бош вазири Борис Жонсон коронавирусга чалингани ҳамда Буюк Британия ҳукумати аъзоларига коронавирус юқтирган энг биринчи беморнинг кимлиги маълум бўлган эди.
Изоҳ (0)