АҚШ президенти Дональд Трампнинг давлат санитария идораларига босим ўтказиб безгакка қарши препаратни керакли тестларни ўтказмай туриб коронавирусни даволашда фойдаланишга чақиргани норозиликларга сабаб бўлди. Бу ҳақда Reuters хабар берган.
Нашрнинг ёзишича, Трамп касалликлар назорати бўйича олий тоифадаги марказлар раҳбарларига, Санитар назорат, озиқ-овқат ва тиббиёт воситалари сифати бўйича бошқарма ҳамда иккита препарат ишлаб чиқишга масъул бўлган Миллий институтларга шахсан босим ўтказган.
Президент яқин фурсатларда безгакка қарши препаратни сотув учун тайёрлашга урғу берган. Шундан кейин давлат томонидан бу борадаги қўллаб-қувватлаш чоралари кўрилиши бошланган.
Ушбу воқеадан кейин ҳукумат шифокорлар ушбу дорини тавсия қилиши юзасидан топшириқ чиқарган. Топшириқнинг ўзига хос жиҳати шундаки дори муайян вазиятларда олимларнинг эксперт баҳолаш хулосасисиз белгиланади.
Топшириқда хлорохин ва гидроксихлорохин каби безгакда фойдаланиладиган дорилардан коронавирусни даволашда фойдаланиш тавсия қилинган.
Reuters’нинг қайд этишича, ушбу дорилар беморлар юрак уришини тезлаштириб, уларда аритмияни келтириб чиқариши мумкин. Ўта оғир ҳолатдаги беморларга ушбу препаратларнинг берилиши ёмон оқибатларга олиб боради.
Мавзуга доир:
Изоҳ (0)