Қозоғистонда яна етти кишида коронавирус аниқланди. Бу ҳақда мамлакат Соғлиқни сақлаш вазирлигига таяниб, Tengrinews хабар берди.
«Коронавирус инфекцияси билан касалланиш бўйича яна 7 та ҳолат: Олмаотада — 2, Нур-Султонда — 5 нафар фуқарода қайд этилди», — дейилади идора хабарида.
Шундай қилиб, 25 март ҳолатига кўра, Қозоғистонда коронавирус билан касалланганлар сони 79 кишига етган.
Аввалроқ Нур-Султонда карантин вақтида чекловлар кучайтирилгани, шаҳарга кириб-чиқиш тўлиқ ёпилиб, блокпостлар ўрнатилгани ҳақида хабар берилганди. Қозоғистонда коронавирус тарқалиши муносабати билан 16 мартдан 15 апрелга қадар фавқулодда ҳолат режими жорий қилинган.
Мавзуга доир:
Изоҳ (0)