Qozog‘istonda yana yetti kishida koronavirus aniqlandi. Bu haqda mamlakat Sog‘liqni saqlash vazirligiga tayanib, Tengrinews xabar berdi.
“Koronavirus infeksiyasi bilan kasallanish bo‘yicha yana 7 ta holat: Olmaotada — 2, Nur-Sultonda — 5 nafar fuqaroda qayd etildi”, — deyiladi idora xabarida.
Shunday qilib, 25-mart holatiga ko‘ra, Qozog‘istonda koronavirus bilan kasallanganlar soni 79 kishiga yetgan.
Avvalroq Nur-Sultonda karantin vaqtida cheklovlar kuchaytirilgani, shaharga kirib-chiqish to‘liq yopilib, blokpostlar o‘rnatilgani haqida xabar berilgandi. Qozog‘istonda koronavirus tarqalishi munosabati bilan 16-martdan 15-aprelga qadar favqulodda holat rejimi joriy qilingan.
Mavzuga doir:
Izoh (0)