Росавиация МДҲнинг уч мамлакати фуқароларини Москвадан олиб чиқиб кетишда муаммо бўлаётганини маълум қилди

Росавиация Москвадан Ўзбекистон, Тожикистон ва Қирғизистон фуқароларини олиб чиқиб кетишда муаммолар борлигини маълум қилди.

Идора ушбу қийинчиликларга мамлакатлар расмий ҳукуматининг йўловчиларни ташиш бўйича позициясини сабаб қилиб келтирган, бироқ гап айнан нима ҳақида эканлигига ойдинлик киритмаган. «Ушбу масалани барқарорлаштириш бўйича чоралар кўрилмоқда», — дейилади хабарда.

Таъкидланишича, 23 март куни Москвадан Ўш вилоятига «Урал авиатармоғи» орқали 297 нафар Қирғизистон фуқароси етказилган. У ерда Екатеринбургга 17 нафар Россия фуқароси қайтиб келган.

Росавиациянинг маълум қилишича, 23 март кунининг ўзида дунёнинг етти давлатидан 1,3 мингдан ортиқ фуқаро Россияга олиб келинган: Болгария, Миср, Испания, Кипр, Марокаш, Сербия ва Франция.

Аввалроқ Uzbekistan Airways чет эллик фуқароларни Москвага ва ўзбекистонлик фуқароларни Москвадан Тошкентга олиб келиш учун 17 март куни Тошкент—Москва—Тошкент чартер рейсни амалга оширгани ҳақида хабар берилган эди. Шунингдек, 24 март куни ҳам ушбу йўналиш бўйича чартер рейс амалга оширилган.