Япониянинг 47 та префектурасининг ярмида COVID-19 коронавирус инфекцияси билан касалланиш ҳолати тасдиқланди, деб хабар бермоқда «ТАСС».
Қайд этилишича, касалланганларнинг умумий сони 942 кишини ташкил этаётган бўлиб, уларнинг 705 нафари Diamond Princess круиз кемасидан тушган фуқаролардир.
Касалланганларининг аксарияти — 67 нафари мамлакат шимолида жойлашган Хоккайдо префектурасида аниқланган. Токиода эса коронавирусга чалинишнинг 36 та ҳолати тасдиқланган. Бугунги кунга келиб улардан 11 нафари вафот этган.
Хабарда айтилишича, вирус сабабли Японияда оммавий тадбирлар бекор қилинган, истироҳат боғлари, давлат кутубхоналари, томоша майдончалари ва музейлар ёпилган. Мактаблар, спорт тўгараклари ва қўшимча машғулот марказлари ҳам ёпилмоқда.
Аввалроқ Японияда давлат идораларига ходимларини уй шароитида ишлашга ўтказиш буюрилгани хабар берилган эди.
Изоҳ (0)