Буюк Британия ҳудудида коронавирусга чалинишнинг биринчи ҳолати қайд этилди, мамлакатда инфекцияни четдан юқтириш орқали касалланганлар сони 20 кишига етди. Бу ҳақда Guardian’га таяниб «РИА Новости» хабар бермоқда.
Қайд этилишича, Британиянинг Суррей графлигидан бўлган эркак мамлакат ҳудудида коронавирус билан касалланган биринчи бемор бўлди. У инфекцияни чет элдан қайтганлардан бири билан тўғридан тўғри ёки билвосита алоқа қилиш орқали юқтирганми, йўқми, ҳозирча номаълум.
Бу ҳолат аниқланаётган бўлиб, бемор эркак миллий соғлиқни сақлаш хизматининг ихтисослашган юқумли касалликлар марказига юборилган.
Сўнгги маълумотларга кўра, дунё бўйлаб коронавирус билан касалланганлар сони 85 минг кишидан ошиб кетди. ЖССТ коронавируснинг глобал хавфи даражасини «жуда юқори» деб баҳолади.
Хитойда коронавирус туфайли вафот этган одамнинг жасади ёриб текширилди ва касалликнинг асосан нафас йўлларига зиён келтириши аниқланди.
Изоҳ (0)