АҚШ коронавирусга қарши курашда Эрон ҳукуматига ёрдам таклиф қилгани ҳақида хабар берилганди. Теҳрон Вашингтоннинг ёрдамини тарғибот иши дея ҳисобламоқда. Бу ҳақда Эрон ташқи ишлар вазири Аббос Мусавийга таяниб, «РИА Новости» хабар берди.
«Иқтисодий терроризми Эрон халқига кенг кўламли босим ўтказаётган ва бунинг оқибатида дори-дармон ҳамда тиббиёт ускуналарини сотиб олиш имкониятини чеклаётган давлатнинг коронавирусга қарши курашиш йўлида Эронга ёрдам таклиф қилиши — шармандали сиёсий ва психологик ўйин», — дейди Мусавий. У Вашингтон баёнотини «иккиюзламачилик ва тарғиботчилик» деб атаган
Мусавийнинг қўшимча қилишича, Эрон вирусга қарши курашда соғлиқни сақлаш эҳтиёжларини қондириш учун кўплаб давлатлар билан яқиндан алоқа қилмоқда.
«Бутун дунё учун эпидемияга айланган ва кўплаб давлатларда тарқалган коронавирусга қарши курашда кескинлик ва халқаро ҳамкорлик зарур, кўз-кўз қилинадиган ҳаракатлар эмас», — дея қўшимча қилади Мусавий.
Мавзуга доир:
Изоҳ (0)