Коронавирус туфайли нефть нархи 2,5 йил ичида илк бора 49 доллардан ҳам арзонлашди

Brent маркасидаги нефть нархи 2,5 йил аввал май ойида баррел учун 49 доллардан ҳам арзонлашганди. 28 февралдаги савдоларда Brent маркасидаги қора олтин нархи 48,95 доллар деб баҳоланди ва аввалги савдолардаги кўрсаткичдан 5,37 фоизга пасайди. Бу ҳақда «РБК» хабар берди.

Охирги марта Brent нархи 2017 йил 25 июлда 49 доллардан арзонга баҳоланган, ўшанда бу маблағ 48,63 долларни ташкил қилганди.

WTI маркасидаги нефть нархи 28 февраль ҳолатига кўра 43,86 долларгача тушиб кетди ва аввалги савдолардаги кўрсаткичдан 6,86 фоизга пастлади.

«Brent ва WTI котировкалар 2,5 йилдан буён минимум даражада турган, улар мос равишда 44,95 доллар ва 42,36 долларгача пастлаши мумкин. Жаҳон ҳамжамиятида нефтга бўлган талаб камайган ва бу қора олтинни ушлаб турмай тезроқ сотиш эҳтиёжини пайдо қилмоқда», — деган «Велес Капитала» таҳлилчиси Елена Кожухова.Нефть экспортерлари ҳисобланувчи мамлакатлардаги ташкилотларда ҳам февраль ойида нефтга бўлган талабнинг суткасига 230 минг баррелдан 990 минг баррелгача ўшиши мумкинлиги ҳақидаги прогнозни ёмонлаштирди. Экспертлар ўсиш суръати дунёда COVID-19 коронавирус эпидемияси бошлангани туфайли пасайишини билдирган.