Хитойдан қайтган ўзбеклар, ниқоб таққан ҳайкал, шинага тиқилиб қолган тимсоҳ. 4 февралнинг энг қизиқарли суратлари

4 февраль, сешанба куни дунёнинг турли бурчакларида олинган энг қизиқарли суратлар жамланмасини тақдим этамиз.

Тошкент, Ўзбекистон

250 нафар Ўзбекистон фуқароси Хитойдан эвакуация қилинди.

АҚШ президенти Дональд Трампнинг Яқин Шарқдаги вазиятни барқарорлаштириш бўйича режасига қарши намойишлар вақтида фаластинликлар исроиллик аскарга «Молотов коктейли»ни отди.

Гонконг

Ҳимоя ниқоби таққан Гонконгдаги поезд йўловчилари. Гонконгда коронавирусдан касалланиш оқибатида илк ўлим ҳолати қайд этилди.

Изу-Шаботен ҳайвонот боғида капибаралар мевали иссиқ ванна қабул қилмоқда.

Ухань, Хитой

Уханда коронавирусга чалинганларни даволашга мўлжалланган «Хошэньшань» шифохонаси 10 кунда қуриб битказилди ва илк беморларни қабул қилди.

Париж, Франция

330 та Рубик кубигидан ясалган «Мона Лиза» картинасининг нусхаси Парижда аукционга қўйилади. Унинг бошланғич баҳоси 150 минг евро.

Сеул, Жанубий Корея

Ҳарбий хизматга чақирув олдидан ўтказилган имтиҳонда коронавирусдан ҳимояланиш учун ниқоб тақиб олган кореяликлар.

Чернобиль, Украина

Чернобиль АЭС ҳалокатидан энг кўп зарар кўрган Припят шаҳридаги автодром машиналари. HBO телеканалининг «Чернобиль» сериалидан кейин ушбу шаҳарга келувчи сайёҳлар оқими ошиб кетди.

Коломбо, Шри-Ланка

Шри-Ланканинг Буюк Британиядан мустақил бўлганига 72 йил тўлиши муносабати билан ўтказилган байрам тадбири.

Пекин, Хитой

Пекиндаги дўконлардан бирининг олдидаги ниқоб тақиб қўйилган ҳайкал. Коронавирусдан касалланганлар сони Хитойда 20 мингдан ошиб кетди.

Донкастер, АҚШ

Йоркширдаги ёввойи табиат боғида Распутин лақабли қутб айиғи оммага намойиш этилди.

Муш, Туркия

Қор остида қолган уй деразасидан қараб турган эркак.

Сепанг, Малайзия

Малайзиялик аёл Куала-Лумпурдаги аэропортда ҳимоя ниқобини тақмоқда. Селангорлик 41 ёшли эркак коронавирус билан касалланган биринчи малайзиялик бўлди.

Мамблс, Уэльс

Кембриж герсогиняси Кейт Миддлтон музқаймоқ еяётган эри, Британия шаҳзодаси Уильямга қараб жилмаймоқда.

Ялта, Россия

Иккинчи жаҳон уруши қатнашчилари формасини кийиб олган аскарлар Буюк Британия, АҚШ ва СССР байроғини кўтариб «катта учлик» — Уинстон Черчилл, Франклин Рузвельт ва Иосиф Сталин ҳайкаллари олдидан ўтмоқда. Российда Ялта конференциясининг 75 йиллигини нишонламоқда. Иттифоқдош уч мамлакат етакчилари 1945 йил 4—11 февраль кунлари Ялта конференциясида иштирок этганди.

Чанша, Хитой

Волонтёрлар темирйўл станциясини коронавирусдан дезинфекция қилмоқда.

Боскомб, Буюк Британия

Дорсетдаги пляжда қуёш ботишини кузатаётган аёл.

Кобул, Афғонистон

Чой сотувчиси мижозларни пойламоқда.

Палу, Индонезия

Бўйнига мотоцикл шинаси тиқилиб қолган тимсоҳ Палу дарёси бўйлаб сузмоқда. Индонезиянинг табиий ресурсларни сақлаш агентлиги тимсоҳни шинадан қутқарганлар учун мукофот эълон қилган. Ушбу тимсоҳни бўйнига шина тиқилган ҳолатда 2016 йилда биринчи марта кўришган.

Чэнду, Хитой

Тиббиёт ходимлари изоляция қилинган беморни тиббий ёрдам машинасидан тушириб олмоқда.