Беларусь президенти Александр Лукашенко январь ойи охирида йўқолиб қолгани айтилган шакар заводлари раҳбарлари давлат хавфсизлиги қўмитаси томонидан ҳибсга олинганини маълум қилди, деб хабар берди «РБК».
Давлат раҳбари корхоналар раҳбарлари Россияга арзон нарзда шакар сотганликда айбланаётганини қўшимча қилди.
«Беларусда ҳали бунақаси бўлмаган. Улар Москвада савдо уйини ташкил қилган. Ўзларининг одамларини олиб борган. Беларусдаги шакар заводларидан шакарни арзон нархга етказиб, у ерда қиммат нархга сотган. Сотувчилар нархдаги тафовутни директорларга пора сифатида берган», — дейди Лукашенко.
29 январь, чоршанба куни, Беларусда мамлакатда ишлайдиган тўртта шакар заводи директорлари бир вақтнинг ўзида иш жойларидан ғойиб бўлгани ҳақида хабар берилган эди.
Изоҳ (0)