Хитой АҚШ коронавирусга қарши кураш бўйича ваъда қилинган ёрдамни тезроқ юбориши ва вазиятга бирёқлама ёндашувдан тийилишига умид қилмоқда. Бу ҳақда Хитой ТИВ расмий вакили Хуа Чуньин маълум қилди, дея хабар беради «РИА Новости».
«Хитойнинг касаллик тарқалишига қарши кураш бўйича уринишлари Бутунжаҳон соғлиқни сақлаш ташкилоти ва халқаро ҳамжамият эътирофига сазовор бўлди. АҚШни холислик ва хотиржамликка, вазиятга бирёқлама ёндашмасликка, Хитой билан янги коронавирусга қарши кураш борасида ҳамкорликка чақирамиз», — деди Хуа Чуньин.
ТИВ расмий вакилига кўра, АҚШ бир неча бор Хитойга ёрдам кўрсатишга тайёрлигини билдирган ва Пекин бу ёрдам имкон қадар тезроқ юборилишини кутмоқда.
Маълумот учун, олдинроқ АҚШ президентининг иқтисодий масалалар бўйича маслаҳатчиси Ларри Кадлоу Хитойга коронавирусга қарши курашда ёрдам бериш учун Касалликлар назорати ва профилактикаси марказидан (СDC) энг яхши экспертлар юборилишини билдирганди.
Изоҳ (0)