Америкада демократларнинг дастлабки сайловларида мобил иловалар билан боғлиқ муаммолар туфайли овозларни ҳисоблаш имкони бўлмади

АҚШнинг Айова штатидаги демократик партиянинг дастлабки сайловлари ташкилотчилари овозларни ҳисоблаш учун ишлатиладиган мобиль иловалар билан боғлиқ муаммолар туфайли овоз бериш натижаларини эълон қилишни кечиктирди. Бу ҳақда Meduza хабар берди.

Демократлар вакилининг маълум қилишича, тақдим этилган маълумотларнинг номувофиқлиги сабабли натижаларни эълон қилиш кечиктирилган. «Бу хакер ҳужуми ёки ташқи аралашувга боғлиқ эмас», — деди партия вакили.

Овоз бериш натижаларини тақдиим этиш учун ташкилотчилар йиғилиш протоколларини ўрганади.

Умуман олганда, дастлабки сайловларда 11 киши фаол иштирок этмоқда, Айова штати кампаниялари етти номзодни тасдиқлаган: булар — АҚШнинг собиқ вице-президенти Жо Байден, сенаторлар Берни Сандерс (Вермонт), Элизабет Уоррен (Массачусетс) ва Эми Клобушар (Миннесота), Саут Бенд (Индиана) шаҳрининг собиқ мери Пит Буттижиж, тадбиркор Эндрю Янг ва миллиардер Том Стейер.

АҚШ президенти сайлови 2020 йилнинг 3 ноябрида ўтказилиши режалаштирилган.