КХДР ҳукумати коронавируснинг тарқалиши муносабати билан хорижий давлатлар дипломатларига мамлакатга кириш ва чиқишни тақиқлади, деб хабар берди «РИА Новости».
«Дипломатик корпуслар вакилларига мамлакатдан чиқиш ва янги ходимларга мамлакат ҳудудига кириш тақиқланади. Ўзингизга боғлиқ бўлмаган сабабларга кўра, мамлакатга келган бўлсангиз, Пхеньянга кириш пунктларидаги 15 кунлик карантин тугаганидан кейин рухсат этилади, — дейилади хабарда.
Хабарда, шунингдек, дипломатик миссиялар ва халқаро ташкилотларнинг ваколатхоналари ходимларига карантин остидаги шахслар билан алоқа қилмаслик ҳам тавсия қилинади.
Маълумот учун, Хитойда коронавирусдан 425 киши вафот этди, 20 мингдан ортиқ киши вирусни юқтириб олди.
4 февраль, сешанба куни, Хитойдан 250 нафар Ўзбекистон фуқароси олиб келинди. Улар 14 кунга махсус жиҳозланган касалхоналарга ётқизилади.
Изоҳ (0)