2019 йилнинг май ойи охирларида 34 ёшли аёл Н.Д. Урганч шаҳар Аз-Замахшарий кўчасида жойлашган «Хоразм-Автосавдо» МЧЖ олдида таниши Ж.М. билан учрашиб, унга Ўзбекистонда ишлаб чиқариладиган автомашиналарга чегирмалар эълон қилинганлиги ва янги автомашиналар ярим нархда сотилаётганлигини ва фақатгина декабрь ойи охиригача етиб келишини айтиб, алдаб, Ж.М.нинг ишончига кириб, ундан Lacetti Gentra автомашинаси учун 4 минг АҚШ доллари (қарийб 34 миллион сўм) ва Damas автомашинаси учун 2 минг АҚШ доллари (қарийб 17 миллион сўм) миқдоридаги пулларини олган. Аёл берган ваъдасини бажармасдан, пулларни ҳам қайтариб бермасдан, ўзининг шахсий эҳтиёжлари учун сарфлаб юборган, деб ёзмоқда ИИВ ҳузуридаги Тергов департаменти.
Мазкур жиноят иши Урганч шаҳри бўйича Ички ишлар органлари фаолиятини мувофиқлаштириш бошқармаси ҳузуридаги Тергов бўлими томонидан Н.Д.га нисбатан Ўзбекистон Республикаси Жиноят кодексининг 168-моддаси 3-қисми «б» банди фирибгарлик жиноятини содир этгани юзасидан жиноят иши қўзғатилган.
Изоҳ (0)