Ижтимоий тармоқларда «01.02.2020 йил кунидан бошлаб хонадонларнинг электр ҳисоблагичларини давлат қиёслаш далолатномаси бўлмаган ҳолда меъёр ҳисобида олинади» деган мазмундаги эълон тарқатила бошланди. Энергетика вазирлиги ушбу ҳолат юзасидан шуни баёнот билан чиқди.
Бу нотўғри хабар бўлиб, бу каби тасдиқланмаган хабарларга эътибор бермаслигингизни, шунингдек, агар шунақа ҳолатлар кузатилганда зудлик билан ҳуқуқни муҳофаза қилувчи органларга мурожаат қилишингизни сўраймиз.
Алоҳида такидлаймизки, Вазирлар Маҳкамасининг 2018 йил 12 январдаги «Электр энергияси ва табиий газдан фойдаланиш тартибини такомиллаштиришга доир қўшимча чора-тадбирлар тўғрисида»ги 22-сонли қарорида маиший истеъмолчиларга электр энергияси ҳисоблагичларини сотиб олиш, ўрнатиш, рўйхатга олиш, даврий давлат қиёсловидан ўтказиш ва пломбалаш ҳудудий электр тармоқлари корхонаси маблағлари ҳисобидан бепул амалга оширилади. Шунингдек, жаримага ҳам тортилмайди, — дейилади Энергетика вазирлиги матбуот котибининг баёнотида.
Изоҳ (0)