Ўзбекистон коронавирус сабаб Хитойга мунтазам қатновчи авиарейсларни вақтинча тўхтатиб туради. Бу ҳақда «Gazeta.uz» ўзининг ҳукуматдаги манбасига таяниб хабар берди.
Бу борадаги тегишли қарорни Ўзбекистон Президенти Шавкат Мирзиёев томонидан 29 январь куни ташкил этилган ҳукумат комиссияси қабул қилган.
Хитойдаги Ўзбекистон фуқароларини эвакуация қилиш учун чартер рейсларни ташкиллаштириш режа қилинмоқда.
Ҳукумат комиссияси икки мамлакат ўртасидаги авиарейслар вақтинча тўхтатилгани ҳақида Хитой томонини огоҳлантириш вазифасини Ташқи ишлар вазирлигига юклаган.
30 январь куни соғлиқни сақлаш вазири Алишер Шодмонов коронавирус сабаб Ўзбекистонда хитойликлар учун виза чеклови ўрнатилиши масаласида ўз фикрини билдирганди.
Эслатиб ўтамиз, янги турдаги коронавирус сабаб вафот этганлар сони 200 дан ошди, 9800 дан ортиқ одам вирусни ўзига юқтириб олган.
Мавзуга доир: Тожикистон ўз фуқароларини Хитойдан ҳозирча эвакуация қилмайди. Тожик талабалари Тошкент орқали қайтмоқда
Изоҳ (0)