Сурхондарёда маст эркак аёл танишини дўппослаб ўлдириб қўйди
Жорий йилнинг 28 январь куни тахминан соат 21:00 ларда, Сурхондарё вилояти Термиз тумани «Янги ҳаёт» маҳалласида яшовчи фуқаро 41 ёшли Р.Н. (аёл) таниши 36 ёшли Э.Л.ни уйига меҳмонга чақириб, биргаликда спиртли ичимликлар истеъмол қилган. Икковлон спиртли ичимлик таъсирида ўзаро жанжаллашиб қолган, жанжал вақтида Э.Л. фуқаро Р.Н.ни танасининг турли жойларига бир-неча маротаба қўли ва оёқлари билан уриб, тепиб, ўта шафқатсизлик билан дўппослаб унга тан жароҳати етказган.
Воқеадан сўнг фуқаро Р.Н. уйидан чиқиб кетиб, тахминан 600 метр масофа юриб, ерга йиқилган ва ички аъзолари, бош миясига етказилган тан жароҳатлари туфайли вафот этган, деб ёзмоқда ИИВ ҳузуридаги Тергов департаменти.
Мазкур ҳолат юзасидан Термиз тумани ИИБ ҳузуридаги Тергов бўлими томонидан Э.Л.га нисбатан Ўзбекистон Республикаси Жиноят кодексининг 104-моддаси 2-қисми «в» банди яъни Қасддан баданга оғир шикаст етказиш айблови билан жиноят иши қўзғатилган ва дастлабки тергов ҳаракатлари олиб борилмоқда.
Мавзуга доир:
