2019-yilning may oyi oxirlarida 34 yoshli ayol N.D. Urganch shahar Az-Zamaxshariy ko‘chasida joylashgan “Xorazm-Avtosavdo” MChJ oldida tanishi J.M. bilan uchrashib, unga O‘zbekistonda ishlab chiqariladigan avtomashinalarga chegirmalar e’lon qilinganligi va yangi avtomashinalar yarim narxda sotilayotganligini va faqatgina dekabr oyi oxirigacha yetib kelishini aytib, aldab, J.M.ning ishonchiga kirib, undan Lacetti Gentra avtomashinasi uchun 4 ming AQSh dollari (qariyb 34 million so‘m) va Damas avtomashinasi uchun 2 ming AQSh dollari (qariyb 17 million so‘m) miqdoridagi pullarini olgan. Ayol bergan va’dasini bajarmasdan, pullarni ham qaytarib bermasdan, o‘zining shaxsiy ehtiyojlari uchun sarflab yuborgan, deb yozmoqda IIV huzuridagi Tergov departamenti.
Mazkur jinoyat ishi Urganch shahri bo‘yicha Ichki ishlar organlari faoliyatini muvofiqlashtirish boshqarmasi huzuridagi Tergov bo‘limi tomonidan N.D.ga nisbatan O‘zbekiston Respublikasi Jinoyat kodeksining 168-moddasi 3-qismi “b” bandi firibgarlik jinoyatini sodir etgani yuzasidan jinoyat ishi qo‘zg‘atilgan.
Mavzuga doir:
- Samarqandda AQShga viza olib berishini aytib, 2 kishini 8 300 dollarga chuv tushirgan erkak ushlandi
- Toshkentda arzon narxda yer olib berishni va’da qilib, fuqaroning 20 ming dollarini “uxlatgan” shaxs aniqlandi
- Qozog‘istonlikni 220 mln so‘mga chuv tushirgan fuqaroga Qarshida jinoyat ishi qo‘zg‘atildi
Izoh (0)