Боливия собиқ президенти Моралес янги муддатга сайланишини ўзининг 14 йиллик президентлик давридаги энг катта хато деб атади, деб ёзмоқда «Коммерсантъ». Бир неча йил аввал узоқ давом этган норозиликлардан сўнг Моралес президентлик лавозимини тарк этган эди.
«Менинг хатойим яна президентликка сайланишим эди. Аммо бу халқнинг қарори эди ва мен Конституцияга мувофиқ ўз номзодимни тўртинчи муддатга илгари суриш таклифини қабул қилдим», — деган у Германиянинг Zeit газетасига берган интервьюсида. Ҳозирда Моралес Аргентинада бўлиб, у ерда қочқин мақомини олди.
Унинг сўзларига кўра тўртинчи марта президентликка номзод бўлиш таклифидан бош тортиши керак эди, аммо у биринчи турдаёқ ғолиб бўлди. Боливия қонунчилигига мувофиқ сайловларнинг иккинчи турида иштирок этмаслик учун номзодлардан бири 10 фоиз устун бўлиши лозим. Жаноб Моралес эса 10,13 фоиз фарқ билан ғалаба қозонган.
Эслатиб ўтамиз, 2019 йилнинг 20 октябрида президентлик сайловлари ўтказилган бўлиб, унда Эво Моралес Карлос Месни ортда қолдириб ғолиб бўлган эди. Карлос Мес унинг ғалабасини тан олмай, овозлар сохталаштирилган деб айтган.
Мавзуга доир: Эво Моралеснинг рақиби Боливия етакчиси президентлик сайловларида қатнашмаслиги кераклигини билдирди
Изоҳ (0)