АҚШ Boeing корпорацияси 737 Мах самолётлари учун ишлаб чиқилган дастурий таъминотда яна бир муаммони аниқлади, деб хабар бермоқда Reuters компания баёнотига таяниб. Унда таъкидланишича, аниқланган муаммо ушбу моделдаги самолётнинг парвозларга қайтишини кечиктириши мумкин.
«Коммерсантъ»нинг ёзишича, муаммо техник кўрикдан ўтказиш ва янгиланган дастурий таъминотни ишлаб чиқиш якунлангунга қадар аниқланган. Компания вакилининг айтишича, муаммо айрим тизим мониторларининг тўғри ишлашини текширадиган дастурий таъминот функцияси билан боғлиқ.
Маълумот учун, Boeing авиакомпаниясининг энг янги лайнери бўлган 737 Мах сотуви ва парвозлари 2019 йил мартидан бери шу русумга мансуб икки самолёт Эфиопия ва Индонезияда қулагани ва 340 нафардан ортиқ йўловчи ҳалок бўлганидан сўнг бутун дунё бўйлаб тўхтатилганди.
Миллиардлаб доллар йўқотишга олиб келган компания инқирози шаротида Boeing раҳбари Деннис Мюленбург истеъфога чиққан эди. Компания эса 2020 йилдан бошлаб 737 Мах самолётлари ишлаб чиқарилишини тўхтатишга қарор қилган.
Изоҳ (0)