Туркия махсус кучлари Миллий бирдамлик ҳукумати (МБҲ) аъзоларини ҳимоя қилиш учун Триполига келди, деб хабар бермоқда «Коммерсантъ» арабларнинг Al-Arabiya телеканалига таяниб. Туркия президенти Ражаб Тоййиб Эрдўғон турк армияси бўлинмалари Ливия томон ҳаракатланишни бошлаганини маълум қилганди.
«Туркия махсус кучлари МБҲдан бўлган мансабдорларни ҳимоя қилиш учун Триполига келди», — дейилади телеканал хабарида. Аммо махсус кучларнинг Ливияга етиб келгани ҳақида Анқарадан расмий изоҳ ҳозирча йўқ.
Қайд этилишича, Ливияга келганларнинг аксарияти Туркия фуқаролигини олган сурияликлардир. Ливияга юборилган барча ҳарбийлар 14 кундан 45 кунгача тайёргарлик кўрган, уларнинг айримлари Суриядаги ҳарбий ҳаракатларда иштирок этган. Юборилган жанговарларнинг бир қисми, телеканалда айтилишича, ливиялик ҳарбийларни ўқитиш билан, 25 нафар турклардан иборат яна бир гуруҳ эса разведка ва айғоқчилик билан шуғуллади.
Шунингдек, таъкидланишича, Туркия ўз ҳарбийлари Ливия ҳудудида бўлган вақт давомида молиявий мукофот олади. Унинг қиймати қанчалигига аниқлик киритилмаган.
Изоҳ (0)