Украина президенти Владимир Зеленский ўзининг истеъфога чиқаришини сўраган мамлакат бош вазири Алексей Гончарукнинг аризасини рад этди, деб хабар беради Meduza.
«Мен бугун сизнинг ишдан бўшаш ҳақидаги аризангизни олдим ва сўнгги вақтларда содир бўлаётган можаровий вазиятлар ёки қандай атаймиз, ёқимсиз ҳолатлар сабаб… Агар сиз бугунги кунда жамиятимизни хавотирга солаётган жуда муҳим масалаларни ҳал этсангиз сизга ва сизнинг ҳукуматингизга имконият беришга қарор қилдим», — дейди Зеленский Гончарук билан учрашувда.
Украина қонунчилигига кўра бош вазирнинг истеъфосига оид масалани Олий Рада кўриб чиқади. Зеленский Гончарукни ишдан бўшатиши учун унинг аризасини парламент Спикерига жўнатиши керак. Радада кўпчиликни ташкил этувчи «Халқ хизматкори» партияси агар Зеленский қўллаб-қувватласа Гончарукнинг истеъфосини маъқуллашларини маълум қилганди.
Шу кунларда интернетда Гончарук билан боғлиқ можароли аудиоёзувлар тарқалган, уларда Украина бош вазири экани айтилган овоз соҳиби Миллий банк раҳбари ва Молия вазири билан бирга мамлакат иқтисодий сиёсатини муҳокама қилишгани, улар президент Владимир Зеленскийни иқтисодий сиёсатда лаёқатсизлиги ҳақида гаплашишгани акс этганди.
Изоҳ (0)