АҚШ Жоржия штатининг афв этиш ва муддатидан аввал шартли озод қилиш кенгаши 16 январь куни қотилликда айбланган Жимми Флетчер Медерсни авф этди. Бу ҳақда Meduza хабар бермоқда.
Афв этиш бўйича кенгаш сайтида маълум қилинишича, Медерснинг ўлим жазоси муддатидан аввал шартли озод қилиш ҳуқуқисиз умрбод озодликдан маҳрум этиш жазосига алмаштирилган.
Хабарда айтилишича, Медерсни қатл этиш 16 январь кечасига белгиланган бўлиб, у жазосини ижро этишдан неча соат аввал авф этилган. У 1987 йилда талончилик содир этган вақтда кун-у тун ишлайдиган дўкон ишчиси Дон Андерсонни ўлдиргани учун 1989 йил айбланган.
Афв этиш бўйича кенгаш жазони енгилроғига алмаштиришга қарор қилган, чунки ишни кўриб чиқиш вақтида судлов ҳайъати унга умрбод озодликдан муҳрум қилиш жазосини тайинлашни ёқлаб чиққан. Аммо ўша вақтлардаги маҳаллий қонунчиликка кўра бундай қилиш мумкин бўлмаган.
Изоҳ (0)