8 январь куни Туркманистон ва Эрон ўртасидаги чегарада жойлашган ўтказиш пунктлари ёпилгани сабаб Ашхободда Эрон маҳсулотлари тақчиллиги юзага келган, деб хабар беради «Хроники Туркменистана».
Турли тадбирлар ўтказишни режа қилиб қўйган Ашхабод аҳолиси қўшни мамлакат билан чегаралар ёпиб қўйилганидан норози. Чунки савдо тармоқларидан Coca-Cola ва Pepsi каби газланган алкоголсиз ичимликлар, шунингдек, Эрон тамаки маҳсулотлари йўқолиб қолган.
Таъкидланишича, Cолаънинг маҳаллий ишлаб чиқарилган муқобиллари сотувда бор, лекин кўпчилик маҳсулотнинг оргиналини маъқул кўради.
Давлат дўконларидаги тамаки маҳсулотлари бир кишига икки қутидан ортиқ берилмайди.
«Эрондан олиб келинган тамакилар қимматроқ эди, бироқ давлат дўконидан бир қути олгандан кўра улардан бир неча дона олган яхши», — дейди пойтахт аҳолиси.
Одамлар икки қўшни мамлакат ўртасидаги чегара яқин вақт ичида очилмаса, бу Эрон маҳсулотларининг тақчиллигига олиб келишидан хавотирда. Бу эса ўз навбатида нархнинг ошишига сабаб бўлади.
Мавзуга доир: Туркманистон ва Эрон ўртасидаги чегара постлари ёпилди
Изоҳ (0)