Ҳиндистон расмийлари 13 январь, душанбани Уммон султони Қобус бин Саид вафоти муносабати билан умуммиллий мотам куни деб эълон қилди. Бу ҳақда мамлакат Ташқи ишлар вазирлиги вакили маълум қилди, дея хабар беради «РИА Новости».
«Қобус бин Саид олий ҳазратлари 2020 йил 10 январда вафот этди. Олий мартабали шахс бўлган марҳумга ҳурмат изҳори сифатида Ҳиндистон ҳукумати 13 январь куни бутун мамлакат бўйлаб бир кунлик умуммиллий мотам эълон қилишга қарор қилди», — дейилади вазирлик вакили хабарида.
Шу куни Ҳиндистон байроқлари туширилиб, расмий кўнгилочар тадбирлар ўтказилмайди.
Маълумот учун, Уммонни 1970 йилдан бери бошқариб келган султон узоқ давом этган касалликдан сўнг 79 ёшида вафот этганди.
Изоҳ (0)