Вашингтон Бағдодга Ироқ ҳукуматининг нефть сотувидан тушган маблағлари сақланадиган ҳисоб рақамини музлатиб қўйиш билан таҳдид қилди. Бу ҳақда Ироқ пойтахтидаги расмий шахсларга таяниб, The Wall Street Journal маълум қилди, дея хабар беради Meduza.
Гап Нью-Йоркдаги Федерал захира банкидаги ҳисоб рақами ҳақида кетмоқда. Агар АҚШ Ироқдан қўшинларини олиб чиқишига тўғри келса, уни блокировка қилишлари мумкин.
Ироқ бош вазири Одил ал-Маҳдий 8 январь куни шундай огоҳлантириш олгани билдирилмоқда.
The Wall Street Journal нашри ҳисоб рақамида қанча маблағ сақланаётганини очиқламаган, бироқ уларнинг йўқотилиши Ироқ молиявий тизими инқирозига олиб келишини таъкидлаган.
Изоҳ (0)