The New York Times журналисти Украина самолёти томон ракета учирилишининг видеосини эълон қилди

The New York Times газетасининг суриштирувчи журналисти Кристиан Триберт Эрон ракетасининг учирилиши кўрсатилган видеони эълон қилди. Видео Теҳрон яқинидаги Паранд аҳоли пунктидан шимоли-шарқий нуқтада ўрнатилган кузатув камераси орқали олинган. Трибертнинг сўзларига кўра, суриштирувчилар Украина «Боинг»ини уриб туширган ракета айнан шу ердан учирилган деган фикрда.

NEW: This CCTV footage appears to show an Iranian air defense system, northeast of Parand, firing a missile. I've geolocated it right under the approx. location where we think the missile hit the jet. Date is correct (18 Dey 1398) but time is off (7:48), maybe due to settings. pic.twitter.com/cuoadeEG1y

— Christiaan Triebert (@trbrtc) January 11, 2020

Трибертнинг қайд этишича, видеоёзувда кўрсатилган сана воқеа юз берган муддатга мос тушади (Эрон тақвими бўйича 18.10.1398 санаси милодий тақвим бўйича 2020 йил 8 январга тўғри келади). Айни вақтда соатлар самолёт қулаган вақтга мувофиқ келмайди; журналистнинг ёзишича, бу камера созламалари билан боғлиқ бўлиши мумкин.

Bellingcat асосчиси Элиот Хиггинснинг «Украинская правда» нашрига маълум қилишича, видео олинган жой, «таҳлилларга кўра, самолёт уриб туширилган жойга яқин». Conflict Intelligence Team’нинг ёзишича, ракета эҳтимолий махфий базадан учирилган бўлиши мумкин.

Аввалроқ Украина самолётига Эрон ракетасининг келиб урилгани акс этган видеоёзув ҳам Теҳрон яқинидаги Паранд шаҳарчасида олингани ҳақида хабар берилган эди.