Қаршида кўп қаватли уйларнинг бирида яшовчи фуқаронинг яшаш хонадони эшиги бехосдан қулфланиб қолиши оқибатида ичкарида ёлғиз қолган ёш болалари қутқарилди. Бу ҳақда «Дарё»га вилоят Фавқулодда вазиятлар бошқармаси ахборот хизмати хабар беряпти.
Маълум бўлишича, бугун — 2020 йил 10 январь куни Қарши шаҳар 6-миттитуман 41-уй 22-хонадонда яшовчи фуқаро Гулираъно Шотўраева яшаш хонадонининг кириш эшиги қулфланиб қолиб 2 нафар ёш боласи ичкарида ёлғиз қолгани ҳақида мурожаат қилиб, ёрдам сўраган.
Манзилга етиб борган фавқулодда вазиятлар бошқармаси ҳудудий махсус қутқарув ишлар отряди ходимлари хонадон кириш эшигини очиб, фуқарога амалий ёрдам кўрсатган. Уй ичида қолган икки нафар — бири уч ёш, иккинчиси бир ёшли болалар соғ-саломат онасининг қўлига топширилди.
Изоҳ (0)