Ўзбекистон Президенти Шавкат Мирзиёев Олмаота шаҳрида рўй берган авиаҳалокат оқибатида кўплаб инсонлар қурбон бўлгани муносабати билан Қозоғистон президенти Қосим-Жўмарт Тўқаевга таъзия мактуби йўллади, деб хабар берди Президент матбуот хизмати.
Давлат раҳбари ҳалок бўлганларнинг оила аъзоларига чуқур ҳамдардлик билдириб, жароҳат олганларнинг барчаси тез фурсатда соғайиб кетишини тилади.
Эслатиб ўтамиз, 27 декабрь, жума куни Bek Air авиакомпаниясининг бортида 95 киши бўлган йўловчи самолёти Қозоғистоннинг Олмаота шаҳри аэропортидан ҳавога кўтарилиш вақтида ҳалокатга учради. Фожиа оқибатида 1о дан ортиқ киши ҳалок бўлди.
Қозоғистон президенти Қосим-Жўмарт Тўқаев Bek Air самолётининг фалокатга учрашига айбдор бўлган барчанинг жазоланишини ваъда қилди, мамлакатда 28 декабрь куни миллий мотам куни деб эълон қилинди.
Ташқи ишлар вазирлиги авиаҳалокат оқибатида ҳалок бўлганлар орасида Ўзбекистон фуқаролари йўқлигини маълум қилди.
- Қозоғистонда 95 йўловчиси бўлган самолёт қулади. 10 дан ортиқ одам ҳалок бўлган
- Қозоғистон президенти Bek Air самолётининг фалокатига айбдор барчани жазолашга ваъда берди
- Қозоғистонда авиаҳалокат сабабли 28 декабрь миллий мотам куни деб эълон қилинди
- «Ҳаммаси худди кинодагидек эди: бақириш, қичқириқ, одамлар йиғиси» Қозоғистондаги авиаҳалокатдан омон қолганлар ҳикояси
- Фото: Қозоғистондаги авиаҳалокат оқибатлари
- Видео: Қозоғистондаги Fokker-100 самолёти авиаҳалокати
Изоҳ (0)