Ўзбекистон транспорт вазирлиги мамлакат аэропортларини ривожлантириш стратегияси устида ишлаш учун германиялик ва россиялик экспертларни жалб қилди, деб хабар берди «Gazeta.uz».
Германиянинг Airport Research Center ва Россиянинг фуқаро авиацияси инновацион маркази экспертлари Ўзбекистон аэропортлари тармоғининг қисқа ва узоқ муддатли ривожланиш стратегиясини ишлаб чиқади.
Шунингдек, компания йўловчи терминалини модернизация қилиш учун техник-иқтисодий асос ва Тошкент аэропортининг мастер-планини тайёрлашда иштирок этади.
Таҳлил натижаларига кўра, экспертлар технологик жараённи оптималлаштириш ва хизмат кўрсатиш сифатини яхшилаш, шунингдек, аэропортнинг ўтказувчанлигини оширишга қаратилган ечимларни жорий этиш бўйича тавсиялар беради.
2019 йилнинг май ойи охирида Ўзбекистон ҳукумати Россияга қарашли «Новапорт» компанияси билан Самарқанд, Наманган ва Урганч аэропортларини модернизация қилиш бўйича шартнома имзолаган эди.
Бироқ, Россиянинг «Коммерсантъ» нашри маълумотларига кўра, Ўзбекистон ҳукумати ва «Новапорт» ўртасидаги музокаралар боши берк кўчага кириб қолган. Ҳукумат ушбу аэропортларни инвестор сўраётганидек 30 йил муддатга консессияга беришга тайёр эмас.
Мавзуга доир:
Изоҳ (0)