O‘zbekiston Prezidenti Shavkat Mirziyoyev Olmaota shahrida ro‘y bergan aviahalokat oqibatida ko‘plab insonlar qurbon bo‘lgani munosabati bilan Qozog‘iston prezidenti Qosim-Jo‘mart To‘qayevga ta’ziya maktubi yo‘lladi, deb xabar berdi Prezident matbuot xizmati.
Davlat rahbari halok bo‘lganlarning oila a’zolariga chuqur hamdardlik bildirib, jarohat olganlarning barchasi tez fursatda sog‘ayib ketishini tiladi.
Eslatib o‘tamiz, 27-dekabr, juma kuni Bek Air aviakompaniyasining bortida 95 kishi bo‘lgan yo‘lovchi samolyoti Qozog‘istonning Olmaota shahri aeroportidan havoga ko‘tarilish vaqtida halokatga uchradi. Fojia oqibatida 1o dan ortiq kishi halok bo‘ldi.
Qozog‘iston prezidenti Qosim-Jo‘mart To‘qayev Bek Air samolyotining falokatga uchrashiga aybdor bo‘lgan barchaning jazolanishini va’da qildi, mamlakatda 28-dekabr kuni milliy motam kuni deb e’lon qilindi.
Tashqi ishlar vazirligi aviahalokat oqibatida halok bo‘lganlar orasida O‘zbekiston fuqarolari yo‘qligini ma’lum qildi.
- Qozog‘istonda 95 yo‘lovchisi bo‘lgan samolyot quladi. 10 dan ortiq odam halok bo‘lgan
- Qozog‘iston prezidenti Bek Air samolyotining falokatiga aybdor barchani jazolashga va’da berdi
- Qozog‘istonda aviahalokat sababli 28-dekabr milliy motam kuni deb e’lon qilindi
- “Hammasi xuddi kinodagidek edi: baqirish, qichqiriq, odamlar yig‘isi” Qozog‘istondagi aviahalokatdan omon qolganlar hikoyasi
- Foto: Qozog‘istondagi aviahalokat oqibatlari
- Video: Qozog‘istondagi Fokker-100 samolyoti aviahalokati
Izoh (0)