ФВВ томонидан 19 декабрга ўтар кечаси эълон қилинган ахборотга кўра, қидирув-қутқарув ишлари натижасида бешинчи фуқаронинг жасади тупроқ остидан олиб чиқилган ва унинг шахси аниқланган.
У — 1996 йилда туғилган I.Раҳматовдир.
«Ҳодиса сабаблари ва оқибатларини ўрганиш ва бартараф қилиш ишлари давом этмоқда. Ҳозирда ҳукумат комиссияси томонидан ҳалок бўлган фуқароларнинг яқинларига зарур бўлган ёрдамларни кўрсатиш бўйича чоралар кўрилмоқда», — дейилади вазирлик хабарида.
Аввалроқ ҳодиса оқибатида тупроқ остида қолиб, ҳалок бўлган тўрт кишининг жасади олиб чиқилиб, шахси аниқлангани ҳақида хабар берилган эди. Улар — 1989 йилда туғилган Ж.Равшанов, 1989 йилда туғилган О.Абдуллаев, 1999 йилда туғилган Д.Абдуллаев ва 1986 йилда туғилган А.Диёров.
Мавзуга доир:«Ҳаммамиз шокдамиз». Қурувчилардан бири Юнусобод метросидаги авария қандай юз берганини сўзлаб берди
Тузатиш: Хабарнинг дастлабки таҳририда қурбонлар рўйхатида 1957 йилда туғилган Т.Абдуллаев борлиги кўрсатилган эди, бироқ кейинроқ ФВВ рўйхатга тузатиш киритиб, аслида 1989 йилда туғилган О.Абдуллаев ҳалок бўлганини маълум қилди.
Изоҳ (0)