FVV tomonidan 19-dekabrga o‘tar kechasi e’lon qilingan axborotga ko‘ra, qidiruv-qutqaruv ishlari natijasida beshinchi fuqaroning jasadi tuproq ostidan olib chiqilgan va uning shaxsi aniqlangan.
U — 1996-yilda tug‘ilgan I.Rahmatovdir.
“Hodisa sabablari va oqibatlarini o‘rganish va bartaraf qilish ishlari davom etmoqda. Hozirda hukumat komissiyasi tomonidan halok bo‘lgan fuqarolarning yaqinlariga zarur bo‘lgan yordamlarni ko‘rsatish bo‘yicha choralar ko‘rilmoqda”, — deyiladi vazirlik xabarida.
Avvalroq hodisa oqibatida tuproq ostida qolib, halok bo‘lgan to‘rt kishining jasadi olib chiqilib, shaxsi aniqlangani haqida xabar berilgan edi. Ular — 1989-yilda tug‘ilgan J.Ravshanov, 1989-yilda tug‘ilgan O.Abdullayev, 1999-yilda tug‘ilgan D.Abdullayev va 1986-yilda tug‘ilgan A.Diyorov.
Mavzuga doir:“Hammamiz shokdamiz”. Quruvchilardan biri Yunusobod metrosidagi avariya qanday yuz berganini so‘zlab berdi
Tuzatish: Xabarning dastlabki tahririda qurbonlar ro‘yxatida 1957-yilda tug‘ilgan T.Abdullayev borligi ko‘rsatilgan edi, biroq keyinroq FVV ro‘yxatga tuzatish kiritib, aslida 1989-yilda tug‘ilgan O.Abdullayev halok bo‘lganini ma’lum qildi.
Izoh (0)