Бугун,

  • USD 11014.01
  • RUB 191.8
  • EUR 10674.78

Қашқадарёда эр-хотин автомобиль ўғирлаши билан боғлиқ ҳолат қайд этилди. Бу ҳақда «Замон» ахборот дастури хабар бермоқда.

Фото: «Замон» ахборот дастури

Фото: «Замон» ахборот дастури

Қайд этилишича, эр аввал ҳам бу турдаги жиноятга қўл ургани учун судланган, кейинчалик эса шаръий никоҳида бўлган турмуш ўртоғини ҳам қинғир ишларга жалб этган.

—Жорий йил 1 октябрь куни соат 17:30 атрофида 2000 йилда туғилган, муқаддам судланган фуқаро 1996 йилда туғилган, шаръий никоҳида бўлган турмуш ўртоғи билан тил бириктириб, «Муборак» деҳқон бозори яқинидаги автотураргоҳдан туманнинг Ўтрор қишлоғига бориб келиш учун машина ёллаган. ВАЗ 2107 ҳайдовчисига бунинг учун 90 минг сўм ваъда қилинган. Йўлда кетаётганда аёл тоби қочаётганини айтиб, машинани тўхтатишни сўрайди. Унинг ортидан тушган эр хотинини топа олмаётганини баҳона қилиб, ҳайдовчини ҳам автомобилдан туширишга муваффақ бўлади. Сўнг унинг бошига ёнида бўлган арматура билан бир неча бор уриб, оёқ-қўлини боғлаб, ўлдириш билан таҳдид қилиб, ташлаб кетади. Эр-хотин ўғирланган машинада воқеа жойидан яширинади, — дея ҳикоя қилади ИИВ ҳузуридаги Тергов департаменти масъул ходими Адҳам Абдуллаев.

Мазкур ҳолат юзасидан 2 октябрь куни ЖКнинг 267-моддаси, 3-қисми «в» банди билан жиноят иши қўзғатилди ва икки шахсга нисбатан ҳам айблов эълон қилинди. Муқаддам судланган эр эҳтиёт чораси сифатида қамоққа олинди, унинг шаръий никоҳдаги хотинига эса озодликдан маҳрум этиш билан боғлиқ бўлмаган чора қўлланди. Ҳозирда тергов ҳаракатлари давом этмоқда.

Изоҳ
Асосий янгиликлар