Мамлакатнинг энг зўр ОТМлари рейтингида етакчилик қилган Ўзбекистон Миллий университети талабалари иситилмаган биноларда куртка ва бош кийимда ўқишга мажбур бўлмоқда, деб ёзади UzNews.
Сайт таҳририятига олий таълим муассасаси талабаларининг бири иситилмаётган бинолар бўйича шикоят билан мурожаат қилди.
«Иситиш тизими ёқилганига қарамасдан бинолар жуда совуқ. Маъмурият бирон чора кўрмаяпти. Биз яна кимга мурожаат қилишни ва бу вазиятда қандай йўл тутишни билмаймиз. 90 фоиз талабалар контракт ва суперконтракт тўлашади, шунингдек, кўплаб хорижий фуқаролар бор», — дейди ЎзМУ талабаси.
Эслатиб ўтамиз, жорий йилнинг август ойида Вазирлар Маҳкамаси ҳузуридаги таълим сифатини назорат қилиш давлат инспекциясининг сайтида Ўзбекистон ОТМлари рейтинги эълон қилинган эди. Мазкур рейтингда биринчиликни 69,02 фоиз билан Ўзбекистон Миллий университети қўлга киритган.
Изоҳ (0)