Бугун,

  • USD 11014.01
  • RUB 191.8
  • EUR 10674.78

Ўзбекистон Бандлик ва меҳнат муносабатлари вазирлиги «Навоий хусусий бандлик агентлиги» МЧЖга 2019 йил 14 февралда берилган Ўзбекистон фуқароларини хорижда ишга жойлаштириш фаолияти билан шуғулланишга рухсат этувчи лицензияни бекор қилди. Бу ҳақда вазирлик томонидан хабар берилди.

Фото: «Дарё»

Фото: «Дарё»

Аниқланишича, «Навоий хусусий бандлик агентлиги» МЧЖ мансабдор шахслари хорижда ишга жойлашиш истагида агентликка мурожаат қилган жами 211 нафар фуқарога нисбатан фирибгарлик қилган.

Агентлик мансабдор шахслари уларни Жанубий Кореяда малака талаб қилинмайдиган бўш иш ўринларига ишга юбориш, уларга 2000 доллар миқдорида ойлик иш ҳақи берилишига ишонтириб, фирибгарлик йўли билан уларнинг ҳар биридан 3 миллион сўмдан, жами 633 миллион сўм олган ва белгиланган муддатда фуқароларни ишга юбормаган.

Вазирлик томонидан қайд этилишича, Ўзбекистон фуқароларининг Жанубий Кореядаги вақтинчалик меҳнат фаолиятини йўлга қўйиш икки давлат Меҳнат вазирлиги томонидан имзоланган англашув меморандуми асосида амалга оширилади. Унга кўра, E9 виза билан фуқароларни Жанубий Кореяга ишга жойлаштириш ваколати фақатгина Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлиги зиммасига юклатилган. Жанубий Кореяда ишга жойлаштириш хусусий бандлик агентликлари ваколатига кирмайди.

Изоҳ
Асосий янгиликлар