Ўзбекистон Транспорт вазирлигининг вакиллари томонидан маълум қилинишича, авиачипталар нархининг 30—40 фоизи керосин билан боғлиқ, мазкур йоқилғи мамлакатда етарли бўлмагани учун хориждан қиммат нархларда сотиб олинади. Бу ҳақда ЎзА хабар бермоқда.
Вазирликнинг Транспортни ривожлантириш департаменти бошлиғи Улуғбек Бектошев томонидан қайд этилишича, чет элдан келган самолётларга керосиннинг бир тоннаси 1200 доллардан сотилар эди. Бугунги кунда янги тизимга кўра, Uzbekistan Airways компанияси ўзи учун керосинни сотиб олмоқда. Хорижий авиакомпаниялар учун эса янги нарх белгиланган бўлиб, у тахминан 890 долларни ташкил қилади.
Қайд этилишича, ҳозирда мамлакатдаги 11 та халқаро аэропортда авиакомпаниялар учун шароитлар яратилган бўлиб, Uzbekistan Airports акциядорлик жамияти керосинни импорт қилиб сотмоқда.
Изоҳ (0)