Тошкентнинг Сергели туманида Spark сотиб олишга ёрдам бериш эвазига 23 миллион сўмни ўзлаштирган шахсга жиноий иш қўзғатилди. Бу ҳақда ИИББ матбуот хизмати хабар берди.
Сергели тумани прокуратура органларига 6 ноябрь куни келиб тушган хабарга кўра, шу йилнинг июль ойида 21 ёшли А.К. 33 ёшли Э.К.нинг ишончига кириб, унга салондан Spark автомобилини сотиб олишда ёрдамлашишни ваъда берган. А.К. бунинг эвазига Э.К. дан 23 миллион 500 минг сўм олиб, ваъдасида турмасдан, пулларни ўз эҳтиёжига сарфлаб юборган.
Ҳолат юзасидан Сергели тумани прокуратураси томонидан Жиноят кодексининг 168-моддаси («Фирибгарлик») бўйича жиноий иш қўзғатилган.
Тошкентда сентябрь ойида ҳам шундай фирибгарлик ҳолати кузатилиб, 15 та Lacetti ва 1 Malibu олиб бериш ваъда қилиниб бир аёлнинг 203 минг доллар пули «ухлатиб кетилганди». Октябрь ойида эса бир неча кишига Nexia-3’ни сотишга уринган фирибгар қўлга олинган.