«Дарё» таҳририятига айни пайтда Санкт-Петербург шаҳрида яшовчи Моҳичеҳра Муродовадан мурожаат келиб тушди. Унинг тўртинчи қаватдан йиқилиб тушган 4 ёшли фарзанди Алибек зудлик билан операция қилиниши зарур.
Бизга маълум қилинишича, 2017 йилнинг 19 июль куни Алибек кўп қаватли уйнинг тўртинчи қаватидан йиқилиб тушади, шукурки, омон қолади. Бироқ оғир тан жароҳатлари билан шифохонага ётқизилади. Алибек ҳозиргача бир неча марта жарроҳлик амалиётини бошидан ўтказади.
Томоғи, нафас йўллари , боши ва юз қисми қаттиқ шикастланганлиги учун Алибек нафас ололмайди, гапиролмайди. Томоғига пластмасса мослама қўйилган. Айни пайтда томоғидаги найча орқали нафас олади.
Энг ёмони, бемор болакайнинг томоғидаги найча бир кунда икки марта балғамга тўлганида нафаси қиса бошлайди. Найчани томоқдан суғуриб олиб, тозалаш керак. Онаси боланинг азобланиб додлашига чидай олмайди. Оёқ-қўлини босиб туришади. Бу ишни отаси бажаради. Ҳар куни икки марта оғриқ ва уқубат...Овқатланиш жараёни ҳам оғриқли кечади.
Болакайнинг бўйнидаги найча унга азоб бермоқда. Шунинг учун операция орқали найча тезроқ олиб ташланиши керак. Операция эса 27 ноябрга белгиланган.
Операция ва даволаниш муолажаларига жами 2500 доллардан ортиқ маблағ талаб этилмоқда. Бироқ оиланинг моддий аҳволи оғир.
«Бир неча йиллардан буён уй-жойсиз сарсон саргардонмиз. Фақат турмуш ўртоғим ишлайди. Лекин унинг топгани ижара ҳақи ва еб-ичишимиздан ортмайди. Жуда ҳам қийин вазиятда қолдик.
Болангиз кўз олдингизда сўлиб боряпти. Лекин сиз ҳеч нарса қилолмайсиз. Она учун дунёда бундан ёмони йўқ. Ёлғиз умидим Аллоҳдан ва яхши инсонлардан», — дейди Алибекнинг онаси биз билан суҳбатда.
Алибекнинг 27 ноябрь куни ўтказиладиган операцияси ва дори-дармонлари учун 2500 доллар миқдорида маблағ зарур.
Биз барча саховатли инсонлардан 4 ёшли болакайнинг соғайиб кетишида ўз ҳиссаларини қўшишларини сўраб қоламиз.
Хайрия қилмоқчи бўлганлар учун керакли маълумотлар:
Пластик карта орқали: (Click, Payme)
Қариндоши Гулчеҳра Эгамбердиэва номига очилган
Агробанк: 8600 0423 1578 3646
Россиядаги саховатпеша юртдошларимиз учун турмуш ўртоғи Дилшоджон Назаровнинг номига очилган Sberbanк Visa пластик картасининг ҳисоб рақами:
4276 5500 4019 7306
Хориждан маблағ юбормоқчи бўлганлар учун отасининг паспорт маълумотлари:
Дилшоджон Назаров Йўлдошевич
Паспорт рақами: АА 6949526
Онаси Моҳичеҳра Муродованинг телефон рақами:
Telegram, Имо:+79046100265
Изоҳ (0)