Тошкент ҳокимлиги қошидаги Жамоатчилик кенгаши ўз ишини қайта бошлади. Кенгаш иши жорий йилнинг июнида тўхтатилган эди, деб хабар беради шаҳар ҳокимлиги матбуот хизмати.
Жамоатчилик кенгашини «'Сиймо» реклама агентлиги асосчиси ва «Миллий маркетинг маркази» ассоциацияси раиси Диёр Мирзааҳмедов бошқаради.
«Янгиланган кенгашнинг иши шаҳар учун фойдали аниқ лойиҳалар ишлаб чиқиш, шунингдек, ҳокимлик фаолиятидаги турли йўналишларга экспертлик ёрдамида кўрсаришга қаратилади», — дейилади хабарда.
8 ноябрь куни бўлиб ўтган биринчи йиғилишда кенгаш комиссиясининг таркиби ва бошқа шунга оид масалалар муҳокама қилинган.
Ўтган йилнинг майида ташкил этилган Жамоатчилик кенгашига тадбиркор Ҳикмат Абдураҳмонов раислик қилганди. Июль ойида у раис сифатида ишини якунлагани, бироқ кенгаш таркибида қолишни режалаштираётгани ҳақида маълум қилганди.
Изоҳ (0)