Қирғизистон пойтахти Бишкекнинг Первомайск суди мамлакат собиқ президенти Алмазбек Атамбаевга нисбатан қўлланилган қамоққа олиш эҳтиёт чорасини 26 декабргача узайтирди. Бу ҳақда «ТАСС» хабар қилди.

«Қонунга кўра суд тергов-суриштирув жараёни икки ой давом этади, шу сабабли Атамбаевга нисбатан қўлланилган қамоққа олиш эҳтиёт чораси узайтирилди», — дея таъкидлаган ҳуқуқшунос.

Унинг сўзларига кўра, Атамбаев 2019 йил 26 октябрда қамоққа олинган ва икки ой, яъни 26 декабрга қадар панжара ортида бўлади.

2011—2017 йилларда Қирғизистонга раҳбарлик қилган Атамбаев 8 августда Чуй вилоятининг Қўй-Тош қишлоғида қарийб бир сутка давом этган махсус операциялардан кейин ҳибсга олинган. Собиқ президент тарафдорлари 100 дан ортиқ одам, жумладан, милиция ходимлари ҳам тан жароҳати олган ва тиббий ёрдам хизматига мурожаат қилган.Атамбаев ўзи таслим бўлган ва Қирғизистон миллий хавфсизлик қўмитасининг қамоқхонасига олиб кетилган.

Қирғизистон собиқ президенти ҳуқуқ-тартибот идоралари ходимларига нисбатан зўравонлик, оммавий тартибсизликларни ташкил қилиш, қотилликни ташкиллаштириши, одамларни гаровга олишни ташкил қилиш, коррупция ҳамда Қўй-Тош қишлоғи ва Иссиқкўл вилоятидаги ерларни ноқонуний равишда ўзлаштирганликда айбланмоқда.